粤语学习网(学说广东话)
网站首页 粤语教程 粤语歌曲 粤语广电 潮汕话 客家话 上海话 闽南语 四川话 重庆言子 湖南话 温州话 宁波话 其他

当前位置:粤语学习网首页>>粤语教程>>文字资料

“女校男生”广播剧剧本

第十集
Gillian:哗!佢真系成个礼拜冇返学架㖞。
阿占:哗!呢个Charlene都真系唔讲得笑架㖞。真系几掯架㖞。话断就断,唔返学架勒啰㖞。
Gillian:喂!重讲?朱薰呀,敢你有冇打畀Charlene呀?
朱薰:冇呀,我都冇野同佢讲咯。
阿占:打畀佢啦,打畀佢啦。最钟意见到你的两个喺埋一齐嘅蔫蔫韧韧敢呀。
朱薰:唔打哩。
阿占:啜啜啜啜嗰啲啦。
朱薰:唔打哩。真系唔打喇。
阿占:喂!用我嘅手提电话啦。阿Sir又未嚟。送埋分钟畀你打畀佢呀。
朱薰:唔打哩。
Gillian:打啦。哎!哎哎!我帮你揿个电话冧巴勒。
朱薰:都话唔喇。唔喇。
阿占:嚟啦!
朱薰:唉!打畀佢都冇用架啦。
阿占:嚟!何必呢?何必呢?静晒架,你的。唉!打啦。
朱薰:唔打呀。
Gillian:打呀。

Gillian:我系Gillian,呢个星期我同阿占嘅感情好似进入左另外一个阶段敢。呢种感觉系我以前同其他人一齐,尤其是系同女仔,都从来未试过嘅。男仔拖住女仔只手,会有一种好……安全嘅感觉。男仔把声好厚,同女仔讲电话嗰阵,尤其是响夜晚黑,会觉得好舒服。喺中六呢一年,我终于都知道,我其实系钟意男仔。校长嘅欢送会,我的已经度好剧本。而Charlene嘅角色虽然唔知佢会唔会出席,但系我的都预左佢。

《明爱暗恋补习社》
Gillian:先生早 校长早 Charlene+Gillian:各位早
Charlene:谁共我研讨 展开初恋的态度
Gillian:AB君谁又会 Charlene+Gillian:待我最好?
Charlene:谈情可否当代数?
Charlene+Gillian:他七岁那天有多高?Gillian:历史可否看得到?
Charlene+Gillian:他的舞跳得有多好?Charlene:会计科可会预计到?
Charlene+Gillian:问爱恋易学难精 可否恶补 然后你也会劝我 嬉戏别要那么早
若爱恋亦是成人班必修一课 盼望能提前共我探讨
坐下来陪我放胆倾诉

Gillian:先生好 校长好 Charlene+Gillian:各位好
Charlene:来让我 提早知多一点怎去做
Gillian:想跟他含着笑问句你好 Charlene:台词可否靠电脑?
Charlene+Gillian:给拥抱到底 有多好?Gillian:"Bio"可否教得到?
Charlene+Gillian:给宠爱到底 有多好?Charlene:"物理"科可会验证到?

Charlene+Gillian:问爱恋易学难精 可否恶补 然后你也会劝我 嬉戏别要那么早
若爱恋亦是成人班必修一课 盼望能提前共我探讨
坐下来陪我放胆倾诉

 

阿占:美女!
Charlene:哗!你吓死我羊?你喺度做羊呀?
阿占:哎呀!打电话嚟揾唔到你。咪喺你屋企楼下伏你啰。想同你去茶餐厅饮茶。
Charlene:你有咁好死?唔使陪Gillian羊?
阿占:请左一日假呀嘛。而家嚟陪你啰。喂!其实,真系,讲开又讲,我系钟意你架。你知唔知呀?去啦。

(茶餐厅)
阿占:点呀?食羊呀?哎,一个冻咖啡,唔该。你呢?你饮羊呀?
Charlene:冻奶茶,小甜呀。你有冇同朱薰食晏呀而家?
阿占:肚饿呀,有架,呢排都。
Charlene:敢你记唔记得呢,佢嗌冻奶茶嗰阵时有冇嗌小甜呀?
阿占:嗯?!
Charlene:呣,冇,佢次次自己都会唔记得嗌小甜架,之后就会发忟憎敢样闹啲伙计架勒。佢成日都好大头虾架,其实。
阿占:你梗系挂住佢啦。
Charlene:都有啲啲嘅。
阿占:敢你唔揾佢?
Charlene:敢,我要独立架嘛,我唔揾得佢架。
阿占:呣,Charlene呀,其实你知唔知道你的点解分手架?
Charlene:呣,朱薰话我的唔系好夹啰。

阿占(心谂):原来Charlene一直都唔知道朱薰钟意Gillian嘅事,Charlene一直都好似系生活响童话世界嘅人敢。唔知道人的会对佢有几差架。亦都唔觉得人的会对佢差。净系会谂点样去对佢自己钟意嘅人好。既然系敢,就等佢一路都活响佢嘅童话世界里面啦。

阿占:可能都系耍花枪啫。
Charlene:但系佢话佢自己一个人都得,唔使靠人呀嘛。
阿占:呣,唔系㖞。有时两个人之间唔系话靠嚟靠去嘅。可以再简单啲架嘛。系咪?
Charlene:敢我又话左我要独立㖞。
阿占:敢边个话你同佢一齐唔可以一齐独立架啫?
Charlene:呣,敢又系。
阿占:重唔打畀佢?
Charlene:敢,但系,敢……
阿占:哎呀!算喇。算喇。我唔处理你的啲野啦吓。拿,呢度,呢份。拿,呢份呢就系欢送校长嗰一份剧本嚟架。预左你架啦。你唔好唔嚟呀。读熟啲添呀。
Charlene:我唔想咁快见到佢呀。
阿占:都话左,你同佢一齐都可以独立咯。你重逃避羊啫?
Charlene:唔系呀!唔系呀!你睇吓我先啦。
阿占:做羊啫?
Charlene:呢度呀!
阿占:哗!
Charlene:生左一粒好大嘅疮疮呀。畀佢见到我呀,佢又实话我热气重食薯片,搞到生疮疮架勒。
阿占:敢呀?唯一嘅方法都系我毁左你容啰。敢就乜都睇唔到啰,好唔好呀?
Charlene:唔!
阿占:嚟呀!
Charlene:喂呀!

朱薰:你估如果您识我先,你会钟意Charlene定系钟意我呀?
Gillian:点解敢问呀?
朱薰:唔知呀。你答左我先啦。
Gillian:呣,如果以前你问我呢条问题。我谂我会话我钟意你。但系而家冇见Charlene一个礼拜,我先发觉我原来……我真系好钟意佢架。而家隔篱个位冇左个人真系好唔惯呀。又可能系惯左要有个人要依靠我敢啰。冇左Charlene我好似冇左个目标去照顾敢。
朱薰:呣,敢我谂你的应该一齐返。
Gillian:但系佢好坚决敢话,要独立。佢唔需要我勒。
朱薰:敢你需唔需要佢呀?
Gillian:敢……我……其实……
朱薰:唔系怕丑吓嘛?
Gillian:我冇左佢唔得。

(欢送会)
Gillian:喂喂喂!快啲啦。呢张台放喺呢度架。喂!嗰件衫唔系挂响嗰度架。哎呀!成个台咁大!得我一个摆道具点得架?
朱薰:喂!喂!喂!Gillian,等我嚟帮你啦。
Gillian:哗!你重未换衫嘅?喂!你快啲去换啦!你敢,咪,你唔好搞呢啲啦。你去换衫先啦。

Gillian:喂!你又未换衫嘅?
阿占:点解去唔到个音㖞。我擒日唱高音啲。我练紧啲歌同埋啲对白,你唔见羊?
Gillian:哎呀!唔得啦!你的重未化妆添。重唱?唔好唱喇!
阿占:系呀!我系,我……我都系唔唱咯,但我识化妆架。哎,我识割双眼皮嘅。朱薰,我同你割勒好唔好呀?
朱薰:好呀。喂!好呀。
阿占:喂!等你一阵呢,上台嗰时嗰只眼大啲呀。
朱薰:好呀。
阿占:三眼皮呀,割。
朱薰:喂喂喂!系㖞。我都唔识化妆架㖞。喂!我直情连化妆品都冇架㖞。
Gillian:哎呀!敢即系等我一个人帮你两个化晒?
阿占:哎,唔系,我都识架。我识打鼻影添呀。谂谂吓。朱薰,你个鼻咁扁,等我帮你打个鼻影呀。
朱薰:哦。
阿占:个鼻会再扁啲架。喂!过嚟!
朱薰:喂!喂!喂!有冇得整就等个权威……
Gillian:你的唔好玩喇。我一个人一对手点样搞咁多野呀?
Charlene(终于蒲头):Gillian,等我帮你呀。
朱薰、Gillian、阿占:Charlene?!
阿占:哗!哗!哗!你坐左绿车返嚟喇?!
Gillian:哎呀!你讲羊呀?
阿占:佢……去左北极旅行一个月啦嘛。而家先返嚟勒。喂!喂!朱薰你!走去边呀?
朱薰:我……
Charlene:Gillian呀,不如我帮朱薰化,你帮阿占化呀。
Gillian:喂!阿占,你过嚟,我帮你化呀。
阿占:好好,我的过去嗰边化。

朱薰:Charlene,你返嚟喇?
Charlene:呣。你叫我谂吓返唔返嚟呀嘛。我见到个剧本几好,我咪返嚟做啰。
朱薰:敢……敢点解你要帮我化妆呀?
Charlene:敢净系我先至知道你对边啲化妆品会敏感架嘛。
朱薰:其实,我有时觉得……Charlene呀,系你照顾我多过我照顾你敢。
Charlene:敢……我而家要独立呀嘛。
朱薰:敢你系唔系唔再需要有人喺你身边呀?
Charlene:唔系呀。
朱薰:敢……敢你可唔可以独立住敢同返我一齐呀?
Charlene:好呀。

 

《女校男生》
Gillian:男生们是非我细细声讲给你 我坐你隔篱 像对孖公仔报喜
Charlene:来操场游戏我共你一起 明日志愿要牵手去做风纪
Gillian:插班生甲 动物很刘华 我真是好奇
Charlene:插班生甲 一直人气高企
Charlene+Gillian:告诉我其实你 原来曾为了他
Gillian:曾瞒着我离去 做过普查
Charlene+Gillian:你与我都怕 提及他 连喉咙亦会沙
Charlene:偷偷地背着我 喝他的茶
Charlene+Gillian:谁料你为了他可这样不雅
Gillian:明星们是非 够你我一夜详谈 我欠你秘密 但插班生早转班
Charlene:谈一轮电话 再共你晚餐 然后买袜买衫可以大家拣
Gillian:你可知道 下季将流行 衬金或衬蓝
Charlene:你可知道 怎样才更抢眼

Charlene+Gillian:告诉我其实你 原来曾为了他
Gillian:曾瞒着我离去 做过普查
Charlene+Gillian:你与我都怕 提及他 连喉咙亦会沙
Charlene:偷偷地背着我 喝他的茶
Charlene+Gillian:谁料你为了他可这样不雅

Gillian:谁和谁认真不得了
Charlene:一起分享的不算少
Gillian:但说到他唇上已发烧
Charlene+Gillian:你我突然静了
Charlene:原来曾为了他
Gillian:曾瞒着我离去 做过普查
Charlene+Gillian:你与我都怕 提及他 连喉咙亦会沙
Charlene:偷偷地背着我 喝他的茶
Charlene+Gillian:谁料你为了他可这样不雅

Gillian:同班同学要 告诉我心事疑难
Charlene:告诉我转校 独个小息可会惯

(全剧终 www.fyan8.com)

剧集选择:第一集 第二集 第三集 第四集 第五集 第六集 第七集 第八集 第九集 第十集