粤语学习网(学说广东话)
网站首页 粤语教程 粤语歌曲 粤语广电 潮汕话 客家话 上海话 闽南语 四川话 重庆言子 湖南话 温州话 宁波话 其他

当前位置:粤语学习网首页>>粤语教程>>文字资料

“女校男生”广播剧剧本

第二集
阿占:我约左Gillian啰!佢约我喺度等嘅!
朱薰:Gillian约你?Gillian神神秘秘原来就系约左呢个傻仔。点解要约佢嚟屋企呢?唔通佢的……Gillian约你嚟做羊呀?
阿占:吓,约我……我……
Gillian:喂,阿占,等左好耐喇?咦,朱薰,点解你会响度嘅?
朱薰:我点解喺度?我问你点解佢喺度呀?
Gillian:佢?
阿占:我?
Gillian:哦,我约左阿占教我做功课咋嘛!
阿占:系呀!
Gillian:佢好肋架!
阿占:系呀!
Gillian:佢会考嗰阵呀,
阿占:系呀!
Gillian:考九个A架!
阿占:好劲架!
Gillian:佢八科重要自修科ART。
阿占:系呀!
Gillian:都考9个A㖞。
阿占:系呀!
Gillian:真系好鬼劲架!
阿占:真系架!
朱薰:你而家同佢好熟羊?
阿占:系呀!
Gillian:我呀…OK啦!喂,我唔同你讲喇,迟啲至倾啦!阿占呀,我的去街口嗰间茶餐厅度呀!
朱薰:喂喂…Gillian!
阿占:拜拜!

Charlene:猪猪呀…你擒晚做羊返屋企,之后唔打电话畀我呀?
朱薰:夜呀嘛…费事嘈醒你呀!
Charlene:夜…我同你食完寿司都系个十点咋噃,边度夜啫?你送完我返屋企之后,你唔系返屋企羊?你去左边呀?
朱薰:我…去左…帮阿妈买豉油!
Charlene:买豉油?!超级市场都闩晒门啦,你去边度买呀?
朱薰:咪就系超级市场闩晒门,敢所以周围揾,揾左好耐,敢咪揾到咁夜啰。敢,哎呀,唔好问啦,好烦呀!
Charlene:唔问咪唔问啰,好肋羊?!
朱薰:喂,喂,喂,唔好嬲啦,一阵同你去canteen食lunch!
Charlene:日日都去canteen架啦,你唔闷架羊?不如今日去食寿司呀!
朱薰:敢叫埋Gillian去啰!
Charlene:佢一早就出左去食饭喇!
朱薰:我的去揾佢咯!
Charlene:好呀!呀,阿占都好似去左㖞!
朱薰:啊?

Gillian:不如食呢个呀!
阿占:啊……好呀好呀!
Charlene:喂,佢的喺嗰度㖞。Gillian!
Gillian:咦,Charlene,你的又会响度嘅?
Charlene:猪猪话要揾你的食饭㖞,敢我的咪嚟啰。Hello,阿占!
阿占:喂…坐呀,坐呀,好多位呀!
Gillian:喂,我的叫左好多野食呀,你嚟睇吓食啲羊呀。
朱薰:做羊呀?又温功课呀?
Charlene:做羊呀?你的成日温功课架羊?唔通你的…
阿占:系呀,我的成日都温功课架,你要唔要温呀?
Charlene:好呀好呀好呀,我又要温呀,你好肋架?
阿占:系呀!
朱薰:冧女仔佢就肋。
Charlene:羊话?

Gillian:佢好劲架,佢识将条脷反转掂上个鼻度架!
Charlene:哗!咁劲呀!喂!整嚟睇吓!整嚟睇吓!
阿占:好呀!好呀!拿。(表演)
Charlene:哗!好劲呀你真系,你真系好得意呀!
阿占:cheap野啫,cheap野啫,要唔要再整多野呀?(表演)
Charlene:好呀!好呀!好呀!
阿占:耶!要唔要再整多野呀?
Charlene:好呀!好呀!
阿占:耶!得唔得呀?
Charlene:得呀!

朱薰:呢个傻仔,又喺度扮猪食老虎。但系又凼到Gillian同Charlene鬼咁开心,用埋晒啲三脚猫功夫,喺度扮小丑,你睇住嚟呀,我一定将你最瘀嗰一面畀人睇,睇你以后重点撩女仔!

Charlene:喂,不如玩啲野呀。喂,阿占呀,阿占呀,你咁肋,你实谂到有羊可以玩架。
阿占:玩…跳舞呀。
Charlene:跳舞?
阿占:系呀。跳侧手翻。
Charlene:吓?
阿占:好唔好呀?你识唔识呀?睇你都唔识架啦。唔好唔好,不如玩IQ题呀!
Charlene:好呀,好呀!
朱薰:边个唔识答咪食wasabi啰!
阿占:好呀,好呀,袋住好多IQ题响袋架。呣,简单啲啦,黑猫羊色?问……问Charlene嘅!
Charlene:黑色。
阿占:白猫呢?
Charlene:白色。
阿占:熊猫?
Charlene:黑白色啰,咁简单架!
阿占:死猫呢?即答!即答!即答!
Charlene:系……系……
阿占:即答!即答!
Charlene:系……系……
阿占:唉!唔得啦你。啊,真系!食勒喇,拿,呢嚿都得啦,食呢嚿!食呢嚿!食呢嚿!
Charlene:真系要食wasabi呀?
阿占:咪住!咪住!未得!未得!我擳多啲wasabi先!
Charlene:喂呀,唔好啦,我唔得架,我会晕架,食完之后!哎呀,我真系晕喇!……
阿占:喂……算啦,算啦!唔使!讲吓咋!
Gillian:哎呀,死猫咪安息啰!
阿占:Gillian,你真系,一睇你个样就知你真系肋架!喂,好呀,呢嚿寿司奖你食呀。食左呢嚿wasabi寿司!
朱薰:喂喂,好,好,好!到我问。拿,听住呀,好长架,一个驯兽师呢就训练一只猩猩接飞刀㖞。敢只猩猩呢真系表演嗰阵呢真系好鬼肋架㖞。个驯兽师掟极啲飞刀,佢都接到晒,敢驯兽师喺表演完之后大叫一声:好!做得好!但系之后只猩猩就死左㖞,点解呢?
阿占:望住我呀?即系我答呀?
Charlene:好难呀……
朱薰:系呀…你呀,点解呀?识唔识答呀?唔识呀?
阿占:因为…因为嗰个……
朱薰:睇你样都唔识架勒。
阿占:OK,嗰个驯兽师就赞只猩猩,敢就猩猩呢就挂住拍手掌,(拍掌)就唔记得左接驯兽师抛出嚟嘅最后一刀,所以就死左!
朱薰:哼!哼!错晒!
阿占:哗!
Gillian:喂!唔系呀!其实呢,我识呀,其实系只猩猩呢开心得滞,敢嗰阵时呢就劲拍自己嘅心口,但系呢,佢又唔记得左自己揸住啲飞刀,所以咪插死左自己咯!
阿占:肋呀。
朱薰:呀!系醒㖞Gillian!阿占,食wasabi啦!
阿占:吓?
Charlene:哗,你落咁多落去呀!
阿占:哗,重嚟!重嚟!重嚟!
Charlene:阿占,你真系惨呀!
阿占:唔紧要啦,敢我输呀嘛!系咪先?
朱薰:食啦!食啦!食啦!食啦!辣死你!辣死你!今次重唔辣死你?!辣死你!流眼泪啦!喊!喊呀!喊呀!重唔流眼泪?!
Charlene:哗,阿占,你真系好犀利呀,成大嚿wasabi食完,一滴眼水都唔流㖞。你好劲呀,你喺边度学返嚟架?
阿占:wasabi系我由细到大嘅好朋友嚟架嘛!
朱薰:唓!有几劲啫!

Charlene:喂,你睇吓呢个陈冠希几靓仔!
朱薰:你做乜成日赞阿占啫?
Charlene:我边有赞佢啫?我赞阿陈冠希咋嘛!
朱薰:你重话冇?成日就话佢呢样好,嗰样好。头先食野嗰阵呀,你净系识得望住佢!
Charlene:羊呀?头先食野嗰阵呀,我同你平排坐,敢我点望住你啫?你又唔望我㖞。你呀,都唔知呀几耐呀冇正眼望住过我勒。而家呀我唔靓羊?成日都唔望眼!
朱薰:啊……我……费事同你讲!
Charlene:佢呀,又唔知做羊喇,无端端又发我脾气呀。又话我成日赞阿占㖞,都唔知呀,佢个心谂羊架!
Gillian:敢朱薰又系男仔,阿占又系男仔呀嘛,敢我谂佢可能唔钟意挂。
Charlene:呣,敢又系,敢我以后都系讲少啲野好勒。原来佢押醋!

(通电话)
朱薰:喂!唔该Gillian呀。
Gillian:点呀?Charlene晏昼又喊晒口敢喇。
朱薰:哎,唔好理佢啦。
Gillian:你成日都话唔理佢。但系又只系夜晚先够胆打畀我。
朱薰:敢,敢我……
Gillian:敢即系点啫?敢你又唔敢同Charlene讲分手同我一齐喇。
朱薰:好……分手……
Gillian:哎,等阵。我有电话入。

Gillian:喂!
阿占:喂!Gillian呀,我系阿占呀。我真系好……真系好……好……我有啲野想同你讲,但系(砸嘴)……即系……又唔知点讲。你明唔明呀?
Gillian:呣,有野就讲啰。
阿占:我呢,(砸嘴)你明唔明呀?你明唔明先?
Gillian:哎呀,讲啦。
阿占:我心里面讲左勒。
Gillian:即系羊啫?
阿占:我谂呢,(吟吟沉沉)我钟意左你呀!
Gillian:羊呀?羊呀?
阿占(吟吟沉沉):我钟意左你呀!
Gillian:我听唔到呀。
阿占(吟吟沉沉):我钟意左你呀!即系我……(大声)我钟意左你!不如我的拍拖勒好唔好呀?
Gillian:好呀。
阿占:真系架?
Gillian:系呀!哎,不过你等阵先。

朱薰:喂!喂!
Gillian:喂!喂,究竟你系咪同Charlene分手同我一齐架?
朱薰:……系,好呀。
Gillian:好呀。

剧集选择:第一集 第二集 第三集 第四集 第五集 第六集 第七集 第八集 第九集 第十集