粤语学习网(学说广东话)
网站首页 粤语教程 粤语歌曲 粤语广电 潮汕话 客家话 上海话 闽南语 四川话 重庆言子 湖南话 温州话 宁波话 其他

当前位置:粤语学习网首页>>粤语教程>>文字资料

“女校男生”广播剧剧本

第三集
Gillian:我系Gillian,佢的两个同时开口话想同我一齐,只系相距左两秒钟。

阿占(吟吟沉沉):我钟意左你呀!即系我……(大声)我钟意左你!

Gillian:你系咪同Charlene分手同我一齐架?
朱薰:……系,好呀。

Gillian:由细到大,我钟意啲乜野就有啲乜野。我钟意边个,嗰个人就会钟意我。不过除左朱薰佢,因为朱薰钟意我嗰阵,佢身边已经有左Charlene。

(回忆)
Gillian:Hello,我叫Gillian呀!
Charlene:Gillian呀,我叫Charlene呀!你点解会中四插班过嚟嘅?哎呀,你第一次过嚟呀?等我介绍啲人你识呀。呢个呢就系我最惜嘅BB lover呀,佢叫朱薰呀!
朱薰:Hello!

Gillian:识左阿占唔够一个礼拜,佢就话想同我拍拖。我知佢迟早都会追我架喇,但系冇谂过会咁快。而家重要两个一齐,我都唔知自己系咪钟意阿占。但系我知道有阿占响身边,朱薰就会更加紧张我,最后都系我赢!

朱薰:唔知点解咁冲动,我应承左Gillian话同Charlene分手。终于都到左呢一日。本来冇谂住呢度会有人同我争Gillian,始终呢间都系女校,有几多个TB会同我争啫?点知今年会有个插班生,重要系男仔添!唉,同Charlene一齐五年,个感觉就好似每日食嘅白饭,有时食到闷都想转吓口味食寿司。Gillian就系我而家想食嘅寿司。但系,我可唔可以每日都食寿司呢?
Charlene:啤啤呀,今晚约左啲FRIEN去唱K呀,你去唔去呀?
朱薰:我……我唔去勒!
Charlene:呣!哦!
朱薰:喂!呣,不如你都唔好去啦!
Charlene:点解呀?
朱薰:不如,我的今晚去我的第一次拍拖行嗰个沙滩呀!
Charlene:做羊呀?今日又唔系我生日,又唔系我的拍拖周年纪念,做乜咁快要庆祝呀?
朱薰:呣……冇呀。呣,总之你快啲推左佢的啦,我的去行吓啦!
Charlene:呣,好啦好啦!啤啤同我去街,我梗系乜人都推晒啦!

(沙滩)
Charlene:啤啤呀,我的好耐都冇行过沙滩喇,同你拍左拖咁耐你都系同我行过两次咋。一次呢就系岩岩拍左拖一个月嗰阵,另一次你记唔记得几时呀?啤啤!
朱薰:吓?
Charlene:有冇听我讲野架?我问你呀,我的第二次行沙滩呀系几时呀?
朱薰:呣,几时?呣……咪……啊……嗰次呀嘛。啊……Charlene呀……
Charlene:喂!啤啤呀,嗰边有雪糕卖呀,我的第一次呢行呢度嗰阵呢都有食架。你快啲买畀我呀。
朱薰:哦!

Charlene:啤啤呀,你头先同我讲羊呀?
朱薰:呣,冇野呀。咪想问你食唔食雪糕咋嘛!
Charlene:哎呀,我的真系心灵相通架啫。呀,系呀,啤啤呀!做乜突然之间咁romantic嘅?系唔系做左啲对唔住我嘅野要凼返我呢?
朱薰:吓……我……
Charlene:唔……讲吓咋,做乜咁紧张啫?我知你实唔会架。
朱薰:呣!呣!
Charlene:呣,我对你咁好,你点会唔惜我㖞。呣,系呀,啤啤呀,你睇吓我带左啲羊嚟送畀你!
朱薰:吓?你带左啲羊嚟呀?
Charlene:我见你呀,近排块面多左啲粒粒呀,我特登呢整左啲龟苓膏畀你食呀。不过唔怕苦架,因为我落左好多糖,好sweet架!呣,不过唔知会唔会中毒呢?之前呢有个细路仔呀又系自己整龟苓膏呀,食……食到中左毒呀!
朱薰:吓?
Charlene:呣,都系唔好勒,都系等我帮你试吓先啦。
朱薰:喂喂喂喂喂!你唔好呀,你唔好食呀!
Charlene:呣?好味呀!
朱薰:Charlene你冇事呀嘛?
Charlene:冇事,呣。
朱薰:喂喂唔系㖞。你流鼻血呀!
Charlene:吓?敢你唔好食勒。
朱薰:喂!唔好啦。你……你整左咁耐,我食晒佢啦!
Charlene:唔好呀!

朱薰:要Charlene出嚟,本来就系要同佢讲分手,但系见到佢对我咁好,突然之间又觉得有时白饭都几好味呀。我又唔舍得同佢分手,点算好呢?

阿占:呢只呀!呢只musical出左喇,我等左好耐架。好正架。你知唔知呀?尤其是呢,拿,呢个呀。呢个男主音呢。系咪男人嚟架咯㖞?女人敢嘅成个?!哗!印到咁衰喂。唔系翻版吓哗?咁大间唱片铺!呀唔系唔系,应该正版嚟嘅。你睇吓!呢个男主音佢唱呢一首,第三cut呢,呢一个,chorus嗰段呀好有感情。你有冇听过呀?
Gillian:冇呀。
阿占:哦,冇呀。哦,唔紧要。敢,呢只拿,呢只经典喇,冇理由未听过呀,嗰套乜鬼《一号皇庭》呢,全部都系用呢只碟架!
Gillian:呣,听过吓啦。
阿占:系呀!就系喇!我知你听过啦!《一号皇庭》呢第廿四集临收尾嗰段呢,就系播过呢一只歌勒!
Gillian:呀!系呀系呀好似系呀!
阿占:系啦!梗唔系啦。呢只先系呀!唉我想?!
Gillian:咦!好衰架!
阿占:扮晒听过!
Gillian:咦!唉人!
阿占:衰野呀你!
Gillian:咦!

Gillian:同阿占一齐,有时觉得佢唔系好岩我。佢讲嗰啲话题我都唔钟意嘅。但系,佢有时又凼得我几开心嘅。
阿占:Gillian呀,我想同你讲呢,我真系觉得好,好开心可以同你一齐啰。因为其实呢,即系……你唔好……你真系笑架?你已经咁快想笑?
Gillian:羊呀?乜野?羊呀?
阿占:你唔好笑我呀。
Gillian:讲啦!讲啦!
阿占:其实呢,我未转过嚟呢间学校之前呢,敢我读男校架嘛。我真系好少同女仔沟通架。
Gillian:呣,敢你之前有冇钟意过其他女仔架?
阿占:啊?我呀?你会唔会嬲架?
Gillian:呣,你讲呀。
阿占:我其实,(笑)我钟意过我MISS,同埋容祖儿。
Gillian:哦,就系敢咋吓嘛?哎,敢你有冇同其他女仔拍拖呀?
阿占:啊?其实冇架。你系我第一个女朋友啰。
Gillian:唔怪之得,你唔识得拖住我只手啦。
阿占:啊!Sorry!Sorry! 敢而家拖。而家拖。

(电话响)
阿占:喂!喂!
Gillian:喂!岩走左咋㖞。又打嚟?
阿占:系呀,一送你入门口呢我就好鬼死嗰个挂念你。我好想呢听到你把声呀嘛。所以忍唔住啰喂。喂!你知唔知好劲架?
Gillian:羊呀?羊咁劲呀?
阿占:我个手提电话好劲架。知唔知呀?
Gillian:羊咁劲啫?
阿占:可以录嗰个voice mail架!
Gillian:系?系?
阿占:系呀!喂,不如你帮我录呀。拿,你话:我系Gillian呀。你努力读书喇,敢样!敢以后我咪可以揿返出嚟听啰!好唔好呀?
Gillian:呀……呀……呀。
阿占:劲唔劲呀,你觉得?
Gillian:好劲呀。
阿占:你记唔记得嘅?
Gillian:我记得,我记得。
阿占:拿,你话:我系Gillian呀。你努力读书喇,敢样,好唔好呀?
Gillian:好呀。
阿占:敢我而家收线架勒㖞!
Gillian:好啦!好啦!拜拜!
阿占:你就打电话嚟啰㖞。喂喂喂!记唔记得我手提电话架?
Gillian:我记得喇,梗系!
阿占:嘻,扮晒野敢!
Gillian:BYE!

(电话响)
Gillian:又叫人打畀你?人的未打畀你你又打嚟。
朱薰:系我呀。
Gillian:哦,朱薰呀。我以为……
朱薰:阿Gillian呀,我今日本来想同Charlene讲架,但系,我又揾唔到机会开口。
Gillian:哦哦,敢咋嘛。呣,唔紧要啦!
朱薰:唔系呀,即系我……我唔系唔想同佢讲呀,但系……
Gillian:朱薰呀!我要用电话呀!
朱薰:哦。
Gillian:我迟啲揾你好唔好?
朱薰:好喇。(收线)

阿占(清清嗓子):我而家唔得闲听你嘅电话,有羊事请讲低啦,都……
Gillian:我系Gillian呀,你要努力读书呀。但系呢,唔好唔记得要成日挂住我㖞!

剧集选择:第一集 第二集 第三集 第四集 第五集 第六集 第七集 第八集 第九集 第十集