粤语学习网(学说广东话)
网站首页 粤语教程 粤语歌曲 粤语广电 潮汕话 客家话 上海话 闽南语 四川话 重庆言子 湖南话 温州话 宁波话 其他

当前位置:粤语学习网首页>>粤语教程>>文字资料

“女校男生”广播剧剧本

第八集
朱薰:我终于都同佢讲左。心情都有啲忐忑不安敢啰。Charlene好似一时之间接受唔到敢。我谂佢真系好钟意我。但系Gillian嘅说话又令我觉得,我应该鼓起勇气去做呢样野。唔知系岩定错啦。又或者呢啲野冇话岩定错嘅。总之做左就要面对后果。

(通电话)
朱薰:Gillian呀,我……我同Charlene讲左分手勒。
Gillian:吓?真系架?
朱薰:系呀。
Gillian:敢……敢Charlene有羊反应呀?
朱薰:佢……
Gillian:哎,你等阵先,等阵先。

Gillian:喂!
Charlene:Gillian呀!我系Charlene呀!朱薰要同我分手呀。
Gillian:你的耍花枪咋吓嘛?
Charlene:唔系呀。佢今次好认真架。佢话……
Gillian:Charlene,你冷静啲先。
Charlene:唔系呀,佢话呢,佢唔钟意我勒。
Gillian:佢……佢真系唔钟意你?唔系挂?
Charlene:我唔知呀。我咁多年都有佢陪住。我唔可以冇左佢架。
Gillian:敢……敢你谂住点呀?
Charlene:我唔知呀。
Gillian:拿,你……你听我讲,而家都咁夜咯。不如你瞓觉先啦。我谂你都好攰架喇。有羊听日先讲。可能,佢听日会打返畀你哩。
Charlene:真嘅?
Gillian:系呀。瞓啦。瞓啦。眯埋眼瞓觉都好。唔好谂咁多野喇。
Charlene:敢……敢佢听日系唔系真系会打畀我架?
Gillian:呣!你瞓啦。瞓醒一天都光晒架喇!冇事架喇!
Charlene:我信你架喇。
Gillian:呣。
Charlene:我真系信架。
Gillian:呣。
Charlene:敢我而家瞓架勒啰㖞。
Gillian:OK! 好啦!拜拜!
Charlene:拜拜!(收线)

Gillian:朱薰呀,Charlene打畀我。
朱薰:佢讲羊呀?
Gillian:呣,佢话同你分左手㖞。
朱薰:佢……系唔系好唔开心呀?
Gillian:你话呢?
朱薰:我敢对佢,好似好衰敢。但系我……敢……敢你系咪会同我一齐架喇?
Gillian:啊?……

Gillian:今晚瞓唔着,深呼吸左好多下,个心仍然都系跳得好快。朱薰终于都为左我同Charlene分左手。嗰一刻我好开心,好似终于都赢左敢。我唔系想赢Charlene,其实我系想个个都钟意我。但系,当朱薰问我系咪会佢一齐,我犹疑左一阵。其实,我系咪钟意朱薰呢?

阿占:Gillian! Gillian!
Gillian:啊?
阿占:喂!你做羊呀?今日好似三魂唔见七魄敢嘅?喂!……
Gillian:羊呀?
阿占:wasabi——
Gillian:嘘!——你咁大声做乜野呀?
阿占:我玩呀,横掂都冇人喺度。望羊呀?噢,做羊啫?我呢今日买左飞呀。今晚我的两个去海洋公园啦。好唔好呀?
Gillian:好呀。
阿占:望羊啫?关你羊事?好烦呀。我而家喺度谂谂吓读女校都系烦架。喂!敢啦,不如呢,放左学之后就去架啰㖞。啊,都系唔好。啊,你……你逛阵街先。敢然之后放左学半粒钟之后响七仔嗰个巴士站嗰度等呀。嗰度有车去呀。
Gillian:哦。
阿占:我揸车㖞。
Gillian:哦。好呀。
阿占:唔系,唔系,讲吓啫。有车去嗰度。敢一阵见喇。喂!阿Sir嚟!阿Sir嚟!我返返埋去位先喇。(见到朱薰行过)咦,朱薰姐,咁颓呀,今日嘅样?未瞓醒呀?喂!得一个人嘅?Charlene呢?喂!冇买你飞呀,你唔好跟住嚟呀。羊?讲笑!讲笑!我返返埋位先。

朱薰:Gillian呀,早晨!
Gillian:喂!早晨呀!Charlene呢?
朱薰:吓?呣,唔知㖞。
Gillian:呣,今日重未见过佢㖞。
朱薰:哦,系羊?
Gillian:佢会唔会唔返学架?
朱薰:我……我点知㖞。喂!喂!Gillian呀,不如,今日放学我的讲清楚佢呀。
Gillian:啊?我今日放学约左阿占呀。

阿占:我系呀。约左我呀。喂!讲紧我系咪呀?
朱薰:喂喂喂!上堂喇!迟啲至讲呀。我今晚打畀你。

陈Sir:关于上次讲话校长嗰个欢送会呢,大家淮备成点呀?
阿占:哎,陈Sir!
陈Sir:点呀,女校同生?
阿占:哎,唔好敢叫我啦,阿Sir。喂!哎,虽然呢我系岩岩入嚟呢一间学校读书。但系,我系想知道究竟校长个样系点。因为……(笑)Sorry,我真系读左好耐,成个月都冇见过佢。佢其实重冇返工。哈哈哈!
陈Sir:校长的确……
阿占:Sorry! Sorry! 听阿Sir讲野。
陈Sir:校长的确系好少返工架。因为佢而家喺出便炒燶左股票。
阿占:啊?
陈Sir:重听讲,话炒得好燶添。点解我会讲畀你的听呢?
阿占:唔好讲。唔好讲。
陈Sir:总之你的淮备好未呀?
阿占:哎,其实我的都差唔多架勒。我的呢就谂住做返《少林足球》里面嗰几个场口。敢希望呢,校长走嘅时候呢会系带住笑容敢走。亦都希望佢呢走左之后呢就……唔好再返嚟勒!
(哄堂大笑)
同学:唔好返嚟!
阿占:嘘!阿Sir喺度。

陈Sir:好,做《少林足球》都唔错架。笑吓啰系咪呀?但系你的三个人咋噃。
阿占:三个?唔系呀。我的嗰一组有我啦,朱薰,有Gillian,重有Charlene呀。四个人啦。
陈Sir:因为今朝Charlene打电话畀我。佢情绪好激动,话要退学㖞。不过都唔知真定假。
Gillian:吓?
阿占:退学?

(通电话)
朱薰:喂!Gillian呀,你……你而家系咪同阿占一齐呀?
Gillian:唔系呀,我而家等紧佢啰。
朱薰:不如你唔好同佢去玩啦。我的倾吓。
Gillian:但系我好想去㖞。
阿占:喂!Gillian! 我出完喇。
Gillian:我唔同你讲喇。阿占嚟左喇。
朱薰:喂喂!Gillian! Gillian!
阿占:同边个讲啫你?边个嚟架?
Gillian:冇呀,朱薰嚟架啰。
阿占:哦,又打畀你呀?
Gillian:呣。
阿占:喂喂喂!有车!有车!有车!有冇散纸?喂!廿文!廿文有冇?冇唔紧要啦,入一百文啦。
Gillian:吓?
(上车)

阿占:哎,嗰度有位。行开呀你!Sorry,啲僆仔系敢样嘅。敢佢年轻力壮梗系畀我的啲老人家坐。你坐,Gillian,你坐。坐!坐!坐!哎,我又坐。个位喺呢度。舒服晒。喂!你睇吓我带左啲羊嚟畀你?
Gillian:羊嚟架?湿湿纳纳敢样嘅?
阿占:正!烧卖嚟架?拿,一揭开,哗!岩岩蒸架。我响屋企蒸返嚟架。有啲盗汗水添呀。
Gillian:吓?你头先就系去左叮烧卖呀?
阿占:你又知我叮?系呀,我唔识整。其实,去左七仔叮咋嘛,所以咪叫你等阵啰。喂!趁热!趁热!当下午茶呀,晏啲。晏啲呀。重有野你叹呀。
Gillian:咦!神神秘秘敢。
阿占:咦!到勒㖞。落车咯喂。
Gillian:啊?咁快?
阿占:唔系呀,大佬!点会一上车就落车呀?重有成个钟架。瞓阵先啦。嚟!嚟!嚟!拿,呢度!呢度!瞓呢度!瞓落去。拿,我个膊头嚟架嘛。好舒服。有气垫嘅。(Gillian瞓落阿占嘅膊头)

(海洋公园)
Gillian:啊!好惊呀!好惊呀!
阿占:好惊呀!

阿占:哗!点呀?头先嗰个跳楼机系咪好惊呀?
Gillian:有啲啦。
阿占:哦,你唔使……唔使惊。我喺度呀嘛。
Gillian:点解你今日好似特别开心敢嘅?
阿占:呣,都系嘅。
Gillian:点解呀?
阿占:哦,因为呢褁xx我脾气呀嘛。敢然之后,你同我say sorry㖞。敢我硬系觉得我的感情呢好似又跨进左一大步敢啰。我觉得我的可以一齐好耐敢样。我的迟啲结婚啦好唔好呀揾日?
Gillian:哦。
阿占;同佢赶住呀。我喺今日呢即刻去左买飞。因为觉得好幸福呀。所以想同你嚟开心吓啰。
Gillian:哦,原来系敢。
阿占:哎,我重有野畀你架。
Gillian:羊呀?
阿占:拿,fiven vian手链。
Gillian:哗!好贵架㖞。
阿占:我识人卖呀。好平架。朱义盛嚟架。快啲戴嚟睇吓啲假野得唔得。
Gillian:多谢!
(Gillian戴上左个手链)
阿占:哗!OK㖞。拿!(……)得喇!keep住呢个!得喇!拿,呢条手链呢挂住左个心形嘅牌,就好似呢,我成日挂住你敢啰。
Gillian:阿占呀,你对我咁好,我讲啲真心话畀你听呀。不过你唔好嬲㖞。呣,我钟意过朱薰呀。

剧集选择:第一集 第二集 第三集 第四集 第五集 第六集 第七集 第八集 第九集 第十集