粤语学习网(学说广东话)
网站首页 粤语教程 粤语歌曲 粤语广电 潮汕话 客家话 上海话 闽南语 四川话 重庆言子 湖南话 温州话 宁波话 其他

当前位置:粤语学习网首页>>粤语教程>>文字资料

“女校男生”广播剧剧本

第九集
阿占:Gillian话佢钟意过朱薰,我唔觉得特别出奇呀。我亦都唔会觉得特别唔开心。我旧时都钟意过好多人啦。只要我知道Gillian而家系钟意我嘅,而我又钟意佢,敢咪得啰。爱情可唔可以简单啲啫?唉!简单啲咪重好!

阿占:Gillian呀,冇问题嘅。你而家钟意我咪得啰。冇野嘅。我的而家开心咪得啰。
Gillian:敢你会唔会唔开心架?
阿占:唔会呀。我都钟意过第二个人架。我同你讲讲呀,我都钟意过容祖儿啦。其实好耐好耐之前我都钟意过罗文架。真架。因儿我都钟意过。
Gillian:吓?真系架?
阿占:真架。肥肥我钟意过啰,而家钟意埋陈启泰添。
Gillian:系?我都钟意㖞。
阿占:但系……即系我……我响呢一刹那我而家即系钟意咪得啰。敢你而家开唔开心先?
Gillian:呣,唔谂咁多野原来都几开心嘅。

Gillian:我将成件事都话晒畀阿占听。佢一啲都唔意外,亦都唔介意我做左咁多野。呣,其实阿占对我真系好好。我而家开始觉得唔系要个个都钟意自己先至叫做开心。原来只要有一个人系全心全意敢样对自己已经好够。

阿占:哗!而家谂谂吓,乜你原来咁鬼邪恶架?不过我又觉得敢呢,即系邪邪的嘅女人先够煞架嘛。喂!不过,睇你个样唔似㖞。你睇吓我个样似唔似先?似唔似?
Gillian:呣,都几似架。
阿占:惨勒,我而家呢觉得即系我净系钟意你一个呢,(砸嘴)唔得!死!我要揾多几个人嚟做我女朋友。
Gillian:哦!即系你有钟意第二个!
阿占:呣……
Gillian:讲羊呀?
阿占:都系唔得,唔得。实在太正。我都系钟意唔到第二个。你真系好正,你真系。
Gillian:哦,你好呀!你钟意边个你话畀我听。快啲呀!
阿占:冇呀!唉你咋!
Gillian:耶!
阿占:边有啫?

阿占:呣……我走架啰㖞。呣……听日再见啦。敢我……喂!记住话畀你阿妈听,话你去自修室。敢费事一阵我打电话嚟呢,佢又话(扮Gillian阿妈把声):喂!点解会有男仔打嚟架?你系咪拍拖呀?
Gillian:得喇!得喇!
阿占:即系嗰啲好烦架,嗰啲呢。
Gillian:OK,我知架勒。
阿占:好啦,敢好啦。拜拜!
Gillian:喂喂喂!我今日呢我觉得……
阿占:喂喂喂!拿,唔好话畀我听你今日觉得好开心呀。好老土呀呢啲。走啦。呣!拜拜!拜拜!
Gillian:拜拜!
阿占:呣!同我讲拜拜架勒!拜拜!
Gillian:拜拜!

Gillian:我真系觉得今日同阿占一齐好开心呀。呣!我好耐都未……冇试过敢样喇。呣!好开心呀。原来钟意一个人,净系放个心响一个人度,个包袱系会轻好多架。我谂以后我都会就系对一个人好就够勒。

朱薰:Gillian,你同阿占玩得好开心架呵?
Gillian:系呀,真系几开心架。
朱薰:敢你同佢开心,敢……敢我的……
Gillian:朱薰呀,其实我……我想同你讲……
阿占:喂喂喂!呣……美女,我的嘅剧情搞成点呀?喂!而家冇左个人呢真系……Charlene唔喺度呢敢点做呀?朱薰!
朱薰:羊呀?
阿占:不如你打畀Charlene呀。
朱薰:唔呀。我同佢……
Gillian:系咯,朱薰呀,不如你打畀Charlene呀。你……你凼返佢。我的个剧冇左个人做唔到架。
阿占:呣!快啲啦。快啲啦。喂!爽手呀!
朱薰:唔打!唔打!你的做乜迫我打畀佢啫?
阿占:喂!敢你系佢个……羊嚟架嘛。
朱薰:你的以后要揾Charlene,你的自己揾啦。佢嘅野以后同我冇关喇。

阿占:哗!做羊呀佢?发脾气呀?!喂!Gillian,敢我的度住个剧本先啦。好唔好呀?喂!Gillian,你又走呀?走去边呀?
Gillian:我……我……我谂我要同朱薰讲清楚呀。我……我谂佢系因为我而唔开心架。
阿占:走晒!解决佢啦。第九集。

(朱薰喺度喊紧)
Gillian:朱薰!朱薰!朱薰!朱薰,我……其实我……我系曾经钟意过你,但系……
朱薰:你……你而家唔钟意我呀嘛,系咪呀?
Gillian:我……我本来……我本来唔知架,不过我而家同阿占一齐,我先知我净系钟意阿占。Sorry呀,朱薰。
朱薰:对唔住!对唔住!敢……敢你又叫我同Charlene分手?
Gillian:我……我嗰阵就系想个个都钟意我呀嘛。其实我而家至发觉,只要对一个人全心全意就够架勒。其实,Charlene对你都好好呀。不如你揾返佢啦。
朱薰:我系因为钟意你所以先同佢分手,而家你唔钟意我就揾返佢?敢……Gillian呀,我……我真系钟意你架,Gillian。
Gillian:敢你钟唔钟意Charlene呀?
朱薰:我……

Gillian:识左朱薰三年,响中六嘅呢个夏天,第一次见到朱薰喊。
阿占:你同佢讲清楚喇?
Gillian:系呀。
阿占:敢,今次又真系你唔岩嘅。
Gillian:耶!连你都敢话我!
阿占:不过,你而家好岩呀我觉得你呢一个决定。真系畀我嘅美色系迷恋左勒。
Gillian:你都傻傻的嘅。喂!我的快啲度左个剧本先啦。下星期,校长就要走架勒。
阿占:呣,敢使唔使理朱薰呢吓?都系唔使理架勒。理得佢死呀。……

朱薰:Gillian头先问我钟唔钟意Charlene。其实我……我谂……我系钟意佢架。不过,相信呢件事已经冇得返转头。Charlene又话要退学。我谂佢而家一定好憎我。攞个手提电话出嚟,重要攞好大嘅勇气先至敢打畀Charlene。

(通电话)
朱薰:喂!喂!Charlene!
Charlene:朱薰!
朱薰:听到Charlene把声,我忽然之间唔知点应对落去。因为通常讲电话,都系Charlene抢住要讲佢讲嘅野。今次系我主动打畀佢,主动去关心佢,反而觉得唔知讲羊好。而Charlene佢就亦都唔再好似以前敢,要抢住敢同我讲野。
Charlene:你做羊唔出声呀?
朱薰:听阿陈Sir讲话你要退学㖞。
Charlene:呣,我唔系好舒服嘛。我咪发脾气同陈Sir讲话我要退学咯。
朱薰(喜):敢……敢系咪即系话你其实唔系真系要退学架?
Charlene:呣,我唔退勒。我交左学费成年架嘛。不过,其实就算我退唔退都……
朱薰:不过你而家退唔退都唔关我事啦吓嘛?
Charlene:朱薰呀,我谂过架勒。其实,呢几年嚟,我都唔应该成日都依赖你嘅。平时冇做功课,又由你畀我抄。我做值日生,你又帮我擦黑板。我谂而家,我都系时候要独立架勒。
朱薰:独立,都应该嘅,应该嘅。
Charlen:呣!
朱薰:敢,你……你几时好返呀?哎,校长走嗰个欢送剧呢,你参唔参加?
Charlene:哎……
朱薰:你谂左先啦。谂吓先啦。
Charlene:朱薰呀,其实敢,你冇左我,你可唔可以独立呀?
朱薰:我?我……我梗系得啦。我不留都唔系要有人傍住嗰只架啦。我掂呀,梗系。我掂㖞。
Charlene:哦。敢,好啦。
朱薰:呣,拜拜!

Gillian:朱薰呀,我系Gillian呀。Sorry!
朱薰:其实,你都唔使sorry嘅。我而家知道左你同阿占拍拖。敢你揾到一个自己钟意嘅。我谂过架勒。我都等你开心嘅。其实我的咁耐都唔可以一齐,可能系整定架。呣,你敢对我都岩嘅。
Gillian:朱薰,我……
朱薰:得啦,得啦,唔使sorry啦。系哩,你揾我就只系要同我讲对唔住咋羊?
Gillian:啊,重有呀,你有冇打畀Charlene呀?
朱薰:吓?
Gillian:我的喺度度紧剧本嗰阵,都唔知点算好。其实,佢到底会唔会返嚟做架?
朱薰:我……我打左畀佢架喇,佢话佢谂吓先㖞。
Gillian:其实,我都唔系想问呢啲野架。我想问,你有冇叫佢同返你一齐呀?
朱薰:……
Gillian:你……你重好钟意架嘛,系咪呀?
朱薰:系,不过我谂佢唔会同返我一齐架勒。

剧集选择:第一集 第二集 第三集 第四集 第五集 第六集 第七集 第八集 第九集 第十集